Flandra Esperanto-Ligo Libroj legindaj...

mardi 7 avril 2020

Flandra Esperanto-Ligo - FEL

Libroj legindaj en la tempoj de kronviruso

La 25an de marto 1899 naskiĝis la sveda Esperanto-verkisto Stellan Engholm (https://eo.wikipedia.org/wiki/Stellan_Engholm). Li ĉefe famiĝis pro romanoj verkitaj en la tridekaj jaroj, nun malfacile troveblaj. La Retbutiko proponas tamen kolekton de noveloj liaj (https://www.retbutiko.be/eo/ero/lkap).
La 25a de marto estas ankaŭ la nacia festotago de Grekio. Tradukoj el la moderna greka literaturo apenaŭ ekzistas, sed ja estas pluraj el la antikva helena : haveblas verkoj de Aristofano (Plutoso, https://www.retbutiko.be/eo/ero/plut), Lukiano (Dialogoj de la dioj, https://www.retbutiko.be/eo/ero/ddio ; Lukio aŭ azeno, https://www.retbutiko.be/eo/ero/laze), Platono (La respubliko, https://www.retbutiko.be/eo/ero/plre) kaj Sofoklo (Reĝo Edipo kaj Antigona, https://retbutiko.be/eo/ero/edipo).

La 27an de marto, nur kvar tagojn post sia edzino Júlia Sigmond, forpasis en la sama hospitalo en Piacenza, kaj ankaŭ pro la kronvirfusoi COVID-19, Filippo Franceschi, pli bone konato sub sia pseŭdonimo Sen Rodin. Li publikigis rakontojn en La nica literatura revuo, Monda kulturo, Esperanto, Norda Prismo, Nuntempa Bulgario kaj Monato. Li gajnis premiojn en la Belartaj Konkursoj en 1963 (unuan premion en la kategorio Prozo per Unua morto, kaj honoran mencion per Striko).
Ĉe Flandra Esperanto-Ligo li eldonigis sian rakontaron Bildoj pri Norda Lando kaj aliaj rakontoj pri kiu Donald Broadribb skribis : „Preskaŭ ĉiu rakonto estas malgranda gemo, kelkafoje granda gemo, kiu por la literaturamanto estas vere plezuriga legaĵo.”

La 31an de marto 1920, do morgaŭ precize antaŭ 100 jaroj, mortis Hector Hodler, kunfondinto kaj prezidinto de UEA (https://eo.wikipedia.org/wiki/Hector_Hodler). En la libro Novaj vojoj (https://www.retbutiko.be/eo/ero/nvvj) aperas artikoloj, kiujn li siatempe publikigis en la revuo Esperanto.

La 1a de aprilo estas la naskiĝdatreveno de du konataj Esperanto-verkistoj :
Sten Johannsson, kiu hodiaŭ sepdek-jariĝas, verkas originalajn romanojn kaj tradukas el la sveda (https://www.retbutiko.be/verkinto/johansson).
Gerrit Berveling, kiu hodiaŭ sepdek-ses-jariĝas, faris tradukojn el la hebrea, helena, latina kaj nederlanda, kaj verkis tekstojn aŭtobiografiajn, poezion kaj romanon (https://www.retbutiko.be/verkinto/berveling).

Se vi ne jam havas ĉi tiujn librojn, mendu ilin de la Retbutiko de FEL (www.retbutiko.be).


Accueil | Contact | Plan du site | | Statistiques du site | Visiteurs : 34 / 118630

Suivre la vie du site fr  Suivre la vie du site L’Espéranto  Suivre la vie du site A lire   ?    |    titre sites syndiques OPML   ?

Site réalisé avec SPIP 3.1.6 + AHUNTSIC

Creative Commons License