Poster un message

Al karaj amikoj、Mi skribos pri 3 temoj :
1. La hirundovosta papilio aperis kaj forflugis el mia hejmo. Kiam la larvoj kreskas al certa grandeco, ni loĝigas ilin en domo kaj observas ilin de krizalido ĝis papiliig^o. Unu el la krizalidoj estis sendita al mia amiko Kitao, kie ĝi ankaŭ elkoviĝis kaj ekflugis.
2. Sayuki en Miyazaki sendis al mi tre belajn fotojn de hirundovostaj papilioj. Ĝi estas blua hirundovosto, hirundovosto kaj nigra hirundovosto, kaj s^i faris ĉi tiun foton per sia saĝtelefono. Hirundovostaj papilioj flugas rapide kaj estas malfacile foteblaj, sed min impresis, kiom bone ili estis fotitaj. Do, krom tiuj kvin fotoj, mi aldonis ankaŭ la papiliajn fotojn, kiujn mi faris, kaj faris junian ekspozicieton ĉe la poŝtoficejo.
3. Lastan sabaton kaj dimanĉon, la Kyushu-Kongreso okazis en Kumamoto, kaj mi vizitis Kastelon Kumamoto. La restarigita kastelo estis tre bela. La arkadoj de la urbo estis plenigitaj de homoj, kaj la kastelo estis plena de eksterlandaj turistoj. La “malkresko de lokaj urboj’’ ŝajnis mensogo.
En la kongreso mi faris prelegon pri la temo “Por Esperanto, por Paco’’ dum 100 minutoj sen paŭzo, sen sidado, kio surprizis ĉiujn pro mia energio malgrau mia ag^o de 82 jaroj. Verŝajne mi ne plu prelegos, do mi parolis pri la rilato inter mia tuta vivo kaj Esperanto. La sekvan tagon, ni havis kunvenon nomitan “C^ambro de Hori’’ kaj la 80 minutoj pasis rapide kun kantoj, girokoptero, ventroparolado kun la temo “Mano de urso” kaj bingo. Ĉe bingo, ĉiuj ĝuis la premiajn ŝtofsakojn, kiujn mi faris, do mi estis kontenta. Oni aĉetis multajn miajn librojn. Dankon al la esperantistoj de Kumamoto kaj Kyushu.
Mi estas tre feliĉa esti ĉirkaŭita de Esperanto kaj Esperantistoj en mia vivo.
Hori Jasuo